Maşından oğurluq edən şəxs mağazada iz buraxdı - FOTO

Bakıda avtomobildən oğurluq edən şəxs sürücüyə məxsus əşyaları götürərək hadisə yerindən yayınıb. Bu barədə zərərçəkmiş şəxsin yaxın qohumu sosial şəbəkə hesabında məlumat paylaşıb. O bildirir ki, oğurluq hadisəsi Keşlə qəsəbəsində baş verib. “Qohumum maşını park etdikdən bir neçə saat sonra avtomobilinin yanına qayıtdıqda şüşənin sındığının şahidi olub. Məlum olub ki, avtomobildən pul kisəsi, bank kartları və telefonlar oğurlanıb. Bu  barədə qohumum dərhal polisə məlumat verib. Bundan sonra oğurluq edən şəxs götürdüyü kartla Xalqlar Dostluğu metrostansiyasının yaxınlığında yerləşən marketdən alış-veriş etmək istəyib. Lakin kartın sahibi onu  blokladığı üçün ödəniş uğursuz olub”.

Ümid edirik ki,  polis əməkdaşları mağazadakı kamera vasitəsilə oğurluq edən şəxsi müəyyən edib məsuliyyətə cəlb edəcək.

Leyla