Maşını təmizləmək üçün avtoyumaya verdi, qayıdanda oğurlandığını gördü - ŞOK HADİSƏ - FOTO

Bakıda avtoyuma məntəqəsində işləyən şəxsin oğurluğu görənləri şoka salıb. Avtosfer.az xəbər verir ki, hadisə ilə bağlı Gülnarə Məmmədova adlı şəxs sosial şəbəkə hesabında məlumat yayıb. O iddia edir ki, avtoyuma məntəqəsinin işçisi onun tanıdığı bir qadının avtomobilini oğurlayıb: "Yatsam yuxuma da girməzdi ki, bu olay Bakıda ola bilər. Baş verənlər haqqında daha ətraflı danışmaq istərdim. Deməli şəxsən tanıdığım bir xanımın (Zərifə Dadaşovanın) maşınını oğurlayıblar. Soruşsanız kim? Sualın cavabı çox sadə - illərlə tanıdığı avtoyuma işçisi. Tanış olun, şəkildə gördüyünüz bu şəxs maşını yumaq adı ilə qaçırıb. Görüb ki, bunu polis axtarır, maşının disk və təkərlərini vulkanizasiyada sökdürüb "15 dəqiqəyə evdəki təkərlərimi gətirib gəlirəm" deyərək təkərləri başqa bir maşına qoyub qaçıb. Oğurladığı avtomobil isə vulkanizasiyada qalıb. Hər kəsdən xahiş edirəm ki, bu məsələyə laqeyd qalmasın. Paylaşaq! Ölkə öz "qəhrəmanlarını" tanımalıdır!" - deyə G. Məmmədova bildirib.

Fərid