Maşının pəncərəsindən çölə çıxan xanım mahnı oxuyub təhlükəli hərəkətlər etdi - VİDEO

Avtomobilin şüşəsindən başını və bədəninin bir hissəsini çölə çıxardaraq oynayan xanım sərnişin kameraya düşüb. Avtosfer.az xəbər verir ki, xoşagəlməz hadisə axşam saatlarında paytaxt ərazisində qeydə alınıb. Videodan da göründüyü kimi, hərəkətdə olan 44-CK-133 dövlət nömrə nişanlı “Lada” markalı avtomobildəki xanım sərnişin müxtəlif əl-qol hərəkətləri edərək mahnı oxuyur. Görüntülər isə digər avtomobildə olan sərnişin tərəfindən qeydə alınıb. 

Xanım sərnişin isə videoya çəkildiyini görərək barmağını kameraya uzadır və təhlükəli hərəkətlərinə davam edir.

Təbii ki, bu, təhlükəli bir vəziyyət yaradır. Çünki sərnişin hərəkət zolağına qədər əyilib və iri qabaritli bir avtomobil gələrsə qəza qaçılmaz olacaq.

Ümid edirik ki, sərnişindaşıma qaydalarını pozduğuna görə sürücüyə cərimə yazılacaq. Amma təhlükəli hərəkətlər edən xanımla da proflaktiki söhbətlər aparmaq məqsədəuyğundur. 

Videonu təqdim edirik:

Nərmin