Mingəçevirdə faciəli şəkildə həyatını itirən tanınmış şəxsin oğlu imiş - FOTO

Ötən gün Mingəçevirdə 45 yaşlı kişini elektrik cərəyanı vurub.

Avtosfer.az Bizim.Media-ya istinadən xəbər verir ki, Mingəçevir şəhərində "Dəli Kür" restoranı yaxınlığında yerləşən yarımstansiya ərazisində baş verən hadisədə vəfat edən şəxs Qəbələ rayon Vəndam qəsəbə sakini Zaur Mahmudovdur.

Zaurun atası Musa Mahmudov isə rayonda, eləcə də ölkəmizdə tanınmış arıçılardan biridir. Bir neçə il əvvəl Musa Mahmudov Azərbaycanın ən yaşlı tələbəsi kimi mətbuatın diqqətində olmuşdu. O, yaşının ahıl çağında Qəbələ Dövlət Peşə Təhsil Mərkəzinin Arıçılıq ixtisasına sənəd verərək qəbul olunmuş və Mərkəzi müvəffəqiyyətlə tamamlamışdı.

Qeyd edək ki, Mingəçevir şəhərində 1981-ci il təvəllüdlü Zaur Mahmudov iş görən zaman ehtiyatsızlıqdan elektrik xəttinə toxunub. Nəticədə elektrik cərəyanı onu vuraraq öldürüb.

Faktla bağlı araşdırma aparılır.