Narkotik maddənin təsiri altında avtomobil idarə edən şəxs saxlanılıb

Narkotik vasitənin təsiri altında avtomobil idarə edən şəxs saxlanılıb.

DİN -in mətbuat xidmətindən Avtosfer.az -a verilən məlumata görə, DİN-in Baş Dövlət Yol Polisi İdarəsinin əməkdaşları tərəfindən iyulun 28-də Masallı rayonu ərazisində Zəngilan rayon sakini Rauf Hüseynovun idarə etdiyi “Toyota” markalı avtomobil saxlanılıb. Polis əməkdaşları tərəfindən sürücünün narkotik vasitə qəbul etməsi müəyyən edilib. Onun barəsində İnzibati Xətalar Məcəlləsinin 334.1-ci maddəsi ilə protokol tərtib olunub. 

Masallı rayon məhkəməsinin qərarı ilə R.Hüseynov iyulun 29-da inzibati həbs edilib. 

Bu istiqamətdə tədbirlər davam etdirilir.