Narkotikin təsiri altında olan taksi sürücüsü qadın sərnişinlə dalaşdı

Bakıda taksi sürücüsü ilə qadın sərnişin arasında münaqişə yaşanıb.

Avtosfer.az lent.az-a istinadən bildirir ki, hadisə Nərimanov rayonu ərazisində baş verib. Taksi şirkətlərindən birinin sürücüsü olan Ş.Z. narkotikin təsirində avtomobili idarə edib. Bu zaman götürdüyü qadın sərnişinlə arasında mübahisə yaranıb və o, həmin müştəri ilə dalaşıb.

Qadın hadisə ilə bağlı hüquq-mühafizə orqanlarına müraciət edib.

Nərimanov Rayon Məhkəməsinin qərarı ilə sürücü Ş.Z. barəsində 15 sutkalıq inzibati həbs qərarı verilib.