Nişanlısına qurbanlıq apardı, selin qurbanı oldu - VİDEO

Daşkəsənə yağan güclü leysan yağışları nəticəsində rayon sakinini sel aparıb. 
Avtosfer.az-ın məlumatına əsasən, bədbəxt hadisə dünən saat 20:00 radələrində Daşkəsən rayonunun Təzəkənd kəndində baş verib. Belə ki, 01.04.2000-ci il təvəllüdlü Orucov Elgün Məhərrəm oğlu qardaşına kömək edərək qoyunları otlaqdan qaytarıb. Bu zaman heyvanlardan bir neçəsi Əyri çaydan keçən selə qarışıb. Onları xilas etməyə cəhd edən gəncin özü təbiət hadisəsinin qurbanına çevrilib. Elgün Orucovun ərazi mülki müdafiə qüvvələri tərəfindən Qabaqtəpə kəndinin ərazisində tapılan meyiti ailəsinə təhvil verilib.
Qeyd edək ki, 23 yaşlı gənc nişanlı olub və həmin gün nişanlısının ailəsinə qurbanlıq aparıb.