Paytaxtda tonlarla soğan zibillikdə – Qudurğanlıq yoxsa israfçılıq? - VİDEO

Paytaxtda tonlarla soğan zibilliyə atılıb.

Avtosfer.az xəbər verir ki, bu barədə görüntülər sosial şəbəkələrdə geniş yayılıb.

Belə ki, Bakı Dairəvi Yolundan üzü “Meyvəli” Ticarət Mərkəzinə gedən yolun kənarında tonlarla soğan boş əraziyə tullanılıb. Yəqin ki, buna səbəb soğanların cücərməsi, satışa yararsız olması olub. Lakin videonu qeydə alan şəxs soğanların vəziyyəti sübut etmək üçün avtomobili ilə soğanların üzərindən keçib. Görüntərdə aydın şəkildə əks olunub ki, tərəvəzlər azca cücərsə də onları istifadə etmək olar. Amma buna rəğmən soğanlar zibil kimi qiymətləndirilərək yolun kənarındakı boş əraziyə atılıb.

Qeyd edək ki, bunu edən şəxs və ya şəxslər həm ətraf mühiti çirkləndirib, həm də israfçılıq ediblər.

Məhəbbət Tərlanoğlu