Paytaxtda ustanın səhvi avtomobili belə yandırdı - VİDEO

Paytaxtda ustanın səhvinə görə avtomobil yanıb.

Avtosfer.az xəbər verir ki, hadisə ilə bağlı görüntülər sosial şəbəkələrdə geniş yayılıb.

Belə ki, yolda avtomobildən yanıq iyi gəldiyini hiss edən sürücü dərhal yaxınlıqda olan ustaya müraciət edib. Maşına baxış keçirildikdə onun daxili kabellərində yanğın baş verdiyi məlum olub. Avtomobilin yanmasına səbəb isə daha əvvəl başqa ustanın səhlənkarlığıdır. Sözügedən usta elektrik sistemindəki qoruyuculardan birinin sıradan çıxdığı üçün sadə mis məftil ilə birləşdirib. Həmçinin digər kabellərin calağıda düzgün formada edilməyib. Nəticədə elektrik sistemindəki baş verən problem yanğına çevrilib. Xoşbəxtlikdən sürücü cəld hərəkət edib və avtomobil tam alışmadan ustaya çata bilib.  

Ümid edirik ki, sürücülər bu görüntülərdən sonra etibarlı ustalara müraciət edər və bu kimi problemlərin qarşısını alar. Məsuliyyətsiz və səhlənkar ustalara görə sürücülər əziyyət çəkməz.

Məhəbbət Tərlanoğlu