Piyada qayda pozub sürücüylə dalaşdı: “Səni içəri qoyduraram, tərbiyəsiz” - VİDEO

Yasamal rayonu Zahid Xəlilov küçəsində sürücüylə piyada arasında insident baş verib.
Avtosfer.az-ın məlumatına görə, hadisə dekabrın 18-də saat 21:06 radələrində qeydə alınıb. Videodan göründüyü kimi, yolayrıcına çatan sürücü öndə olan “Nissan Tida” markalı avtomobilin hərəkət etməsi üçün bir neçə dəfə siqnal verib. Avtomobil uzaqlaşdıqdan sonra isə işıqfora məhəl qoymadan yolu keçən piyada əl-qol hərəkətləriylə sürücüyə etirazını bildirib. Bu zaman yenidən sürücü siqnal verərək qayda pozan kişiyə xəbərdarlıq edib. Aqressiv piyada geri qayıdaraq sürücüylə mübahisə etməyə başlayıb. O, sürücüyə “Tərbiyən, qanacağın olsun. Qulağım batır niyə siqnal verirsən?” - deyə, bildirib. Sürücü isə “Qardaş, sənin tərbiyən var? Yolu keçməlisən? Niyə mərdimərazlıq edirsən?” - deyə, cavab verib. Bu zaman piyada daha da əsəbiləşərək “Dayanmışamda keçmirəm. Adamın “panyatka”sı olar. Səninlə yaxşı söhbət edərəm, sonra da qoyduraram içəri onda görərsən” deyərək sürücünü hədələyib. 

Nərmin