Qayda pozan xanımla sürücülər arasında dava: “Əcəb edirəm - Qələt edirsən” - VİDEO

Dayanma-durma qaydasına məhəl qoymayan sürücü qəza şəraiti yaradıb.
Avtosfer.az xəbər verir ki, qayda pozuntusu Səbail rayonunun Həsən Seyidbəyli küçəsində qeydə alınıb. Avtomobilin videoregistratoruna düşən görüntüdən aydın olduğu kimi, 77-FN-997 dövlət nömrə nişanlı, “Chevrolet” markalı avtomobilin sürücüsü dayanma-durma qaydasını pozub. Belə ki, avtomobilini avtomobil yolunda saxlayan xanım sürücü onun arxasıyca hərəkət edən maşının idarəçisini qəzəbləndirib. Yolu tutaraq qəza şəraiti yaratdığını bildirən sürücüyə qayda pozan qadın “Mən burada yaşayıram. Əcəb edib saxlayıram” deyərək cavab verib. Xanımın ifadələrindən qəzəblənən sürücü onunla söz savaşına girməyə başlayıb və “Qələt edirsən. Sənin məhləndisə o zaman yolu bağla” deyə bildirib. Daha sonra taksi xidmətiylə məşğul olan “Toyota Prius” markalı avtomobilin sürücüsü də dialoqa daxil olub. Avtomobillərindən düşən sürücülər xanımla mübahisələrini davam etdiriblər. 

Nərmin