Qəflətən alışan “Ford Transit” yanaraq külə döndü - VİDEO

Ziya Bünyadov prospektində yük maşını alışaraq yanıb.
Avtosfer.az-ın məlumatına əsasən, yanğın hadisəsi dünən günorta saatlarında cərəyan edib. Belə ki, “Ford Transit” markalı yük maşını qəflətən alışmağa başlayıb. Yanğın ilk olaraq nəqliyyat vasitəsinin ön tərəfində başlayıb, daha sonra digər hissələrini bürüyüb. Xoşbəxtlikdən hadisə zamanı yük maşınında insan olmayıb. Bir müddət sonra hadisə yerinə yanğınsöndürən maşınlar cəlb olunub. Nəqliyyat vasitəsi zərərsizləşdirilsə də ön tərəfi yanaraq külə dönüb.
Qeyd edək ki, hadisənin hansı səbəbdən baş verməsi məlum deyil.

Nərmin