Qəza şəraiti yaradan “Prius” sürücüsü söyüldü - VİDEO

Avtosfer.az-ın məlumatına əsasən, hadisə paytaxtın Fəzayıl Bayramov küçəsində cərəyan edib. Videoregistratora düşən görüntüdən məlum olduğu kimi, 77-DG-953 dövlət nömrə nişanlı, “Toyota Prius” markalı avtomobil qayda pozuntusu törədib. Belə ki, öz zolağıyla hərəkət edən “Prius” qəfil manevrlə sağ tərəfə keçmək istəyib. Xəbərdarlıq etmədən, üstəlik arxadakı avtomobili görməzdən gələn “Prius” bu zaman digər nəqliyyat vasitəsinə qəza təhlükəsi yaradıb. Lakin sürücünün ehtiyatlı davranışı baş verəcək qəzanın qarşısını alıb. Tormoz verən sürücü sonda qəzəblənib və həmkarına nalayiq ifadə işlədib.
Qeyd edək ki, taksi xidməti göstərən “Prius” sürücüsü sərnişini düşürmək üçün bu qayda pozuntusuna baş vurub. 

Nərmin