Restorana getmədikləri üçün həyat yoldaşını boğaraq öldürdü - VİDEO

Qadın restorana getmədikləri üçün həyat yoldaşını boğaraq öldürüb.

Belə ki, Rəsul və Amaliya (Adlar şərtidir) sosial şəbəkədə tanış olaraq ailə qurmuşdular. Onlər hər həftənin bazar günü davamlı olaraq görüşdükləri restorana gedib əylənirdilər.

Rəsul keçmiş nikahından olan övladı ilə əlaqəni Amaliya ilə ailə qurduqdan sonra müəyyən qədər kəsmişdi. Amaliya isə keçmiş həyat yoldaşı Şahinlə dostluq münasibəti saxlamış, Rəsul da buna etiraz etməmişdi.

Bazar günü Amaliya və Rəsul ənənəvi olaraq restorana gəlib spirtli içki içirlər. Növbəti həftənin bazar günü Amaliya Rəsulun telefonda kiminləsə görüşmək barədə danışdığını eşidir. Rəsul danışdığı şəxsə gələcəyini deyir. Amaliya həftənin bazar günü olduğunu, əylənmək üçün restorana getmək lazım olduğunu deyir. Rəsul isə mərhum dostunun oğlunun xaricdən gəldiyini və tez görüşüb qayıdacağını bildirir.

Rəsul dostunun oğlu ilə eyni restoranda görüşüb, yeyib-içir. Rəsulu gözləyən Amaliya isə zəng edib ondan harada olduğunu soruşur. Rəsul Amaliyaya kobud cavab verərək telefonu söndürür.

Rəsul evə içkili vəziyyətdə gəlir və Amaliya ilə aralarında münaqişə yaranır, daha sonra Amaliya onu boğmağa başlayır, ürəyində narahatlıq yaranan Rəsul həyatını itirir.

Hadisənin şokunu yaşayan Amaliya keçmiş həyat yoldaşı Şahinə zəng edir. Şahin bir az sonra onun yaşadığı mənzilə gəlir, Rəsulun ölü bədənini evin içinə aparır və divana uzadır.

Daha sonra Amaliyaya təcili tibbi yardıma zəng etməsini, bunun təbii ölüm olduğunu, qorxmamasını deyir.

Keçmiş həyat yoldaşı getdikdən sonra Amaliya paltarını dəyişir, sanki heç nə olmamış kimi divanda uzanıqlı qalmış Rəsulun cansız bədəninə tamaşa edir və əylənmək məqsədilə restorana gedir.

Ətraflı Baku TV-nin süjetində: