Rusiya Ukraynada avtobusu bombaladı - YENİLƏNİB

Bu gün Rusiya ordusu Dnepropetrovsk bölgəsində enerji işçilərinə qarşı hədəflənmiş hava hücumu həyata keçirib.

Avtosfer.az xəbər verir ki, bu barədə Ukraynanın energetika naziri Denis Şmıqal məlumat verib.

Rusiya dronları Dnepropetrovsk bölgəsinin Pavloqrad rayonundakı Ternovska mədəni yaxınlığında enerji şirkətinə məxsus xidməti avtobusa zərbə endirib.

Hücum nəticəsində 15 mədən işçisi həlak olub, daha 7 nəfər yaralanıb.

***20:11
Fevralın 1-də Rusiya ordusu Ukraynanın Dnepropetrovsk bölgəsində avtobusa dronla hücum edib. Hücum nəticəsində 12 nəfər ölüb, 7 nəfər yaralanıb.

Avtosfer.az xəbər verir ki, bu barədə Dnepropetrovsk vilayət Dövlət Administrasiyasının rəhbəri Aleksandr Qanja “Telegram” səhifəsində məlumat verib.

Qanja bildirib ki, hadisə Pavloqrad rayonu ərazisində baş verib.

Avtobusda olanlar mədən işçiləri olub, onlar növbədən çıxarkən dron hücumuna məruz qalıblar.