Rusiyada eskalator dörd yaşlı qızın barmaqlarını qopardı - VİDEO

Moskva yaxınlığındakı “Şokolad” ticarət mərkəzində eskalator dörd yaşlı qızın barmaqlarını qoparıb.

O, valideynlərindən qabağa qaçıb və eskalatorun üzərində olarkən büdrəyib. Uşağın sol əlinin barmaqları hərəkət edən pillələrin arasında qalıb.

Valideynlər azyaşlını xilas edə bilsələr də, onun zədəsi ciddi olub. Belə ki, həkimlər qızın üç barmağını amputasiya etməli olublar.

Prokurorluq hadisə ilə bağlı araşdırmaya başlayıb.

oxu.az