Salyanda dəhşətli hadisə: ana və oğlu qətlə yetirildi

Salyanda qəsdən adam öldürmə faktına görə cinayət işi başlanıb.
Salyan rayon prokurorluğundan verilən məlumata görə, martın 1-də saat 16 radələrində Salyan rayonunun Pambıqkənd kəndi ərazisində 1963-cü il təvəllüdlü Rahilə Əliyeva və onun oğlu 1992-ci il təvəllüdlü Bəhruz Əliyevin öldürülməsi barədə rayon prokurorluğuna məlumat daxil olub.
Araşdırma zamanı 1981-ci il təvəllüdlü Ziya Əliyevin aralarında yaranmış mübahisə zamanı kəsici alətlə zərbələr endirərək qardaşı arvadı Rahilə Əliyeva və onun oğlu Bəhruz Əliyevi qəsdən öldürməsinə əsaslı şübhələr müəyyən edilib.
Hadisədən sonra Ziya Əliyev könüllü olaraq istintaqa təslim olub və şübhəli şəxs qismində tutulub.
Faktla bağlı rayon prokurorluğunda Cinayət Məcəlləsinin 120.2.7-ci (iki və ya daha çox şəxsi qəsdən öldürmə) maddəsilə cinayət işi başlanaraq ibtidai istintaq aparılır.

***

17.07

Salyan rayonunda qətl hadisəsi baş verib. Hadisə Salyan rayonunun Pambıqkənd kəndində qeydə alınıb. Kənd sakini, 1992-ci il təvəllüdlü Əliyev Bəhruz Ədalət oğlu və onun anası bıçaqla qətlə yetirilib.
Qətlin onların ailə üzvü, Bəhruz Əliyevin əmisi tərəfindən törədildiyi bildirilir.
Faktla bağlı araşdırma aparılır.