"Sədərək"də iki avtomobil yandı

“Sədərək” ticarət mərkəzinin qarşısında 2 avtomobil yanıb. 

News24.az-ın məlumatına görə, yanğına siqaret kötüyü səbəb olub. 

Hadisə şahidlərinin məlumatına görə, maşınlardan birinə düşən siqaret kötüyü alışmağa başlayıb. Nəticədə avtomobillərdən birinin ön, digərinin arxa hissəsinə ziyan dəyib. 

Əraziyə FHN yanğınsöndürənləri cəlb olunub və qısa zamanda yanğın söndürülüb.