“Sehrli xalat”ın Rəşidi ABŞ-da vəfat etdi

Hadisə 24 Yanvar 2024 17:34 Oxunub 186
“Sehrli xalat”ın Rəşidi ABŞ-da vəfat etdi
WhatsApp kanalımıza abunə ola bilərsiniz

“Sehrli xalat” filmində baş rol ifaçısı Azər Qurbanov vəfat edib.

“Qafqazinfo” xəbər verir ki, Əməkdar mədəniyyət işçisi Yusif Şeyxov feysbukda bildirib.

Onun sözlərinə görə, A. Qurbanov bir müddət əvvəl ağır xəstəlikdən sonra ABŞ-də dünyasını dəyişib.

Qeyd edək ki, əslən Gəncə şəhərindən olan A. Qurbanov 1955-ci ildə Balakən rayonunda anadan olub. Orta təhsilini Bakıda 225 saylı orta məktəbdə rus dilində alıb.

O, 7 yaşında “Bir məhəllədən iki nəfər” filmində debüt edib. Daha sonra “Əcnəbi qız” (1965), “Bizim oynadığımız dənizdə” (1967), ilk sovet-yuqoslav birgə filmi olan “Mavi quş, yolun açıq olsun” (1967) filmlərində rol alıb.

Ona ən böyük uğuru “Sehrli xalat” filmindəki pioner “Rəşid” obrazı gətirib. Azər rusdilli olduğundan onu Yusif Şeyxov səsləndirib.

A.Qurbanov 1992-ci ildən ABŞ-nin Nyu-Cersi ştatının Şort-Hills şəhərciyində yaşayırdı, şəxsi bizneslə məşğul olurdu.



ŞƏRH YAZ
Ad

E-mail

Şərh