Şəkidə avtoservis yanıb - FOTO

Şəkidə avtoservisdə yanğın olub.

Avtosfer.az-ın məlumatına görə, yanğın şəhərin Sarabski küçəsində yerləşən avtoservisdə qeydə alınıb.

Yanğın zamanı avtoservisin daxilində olan 7 avtomobil təmiri sexi içərisindəki avadanlıqlarla birlikdə yanıb. Sexlərdən birində olan "VAZ-2107" markalı avtomobil də yanaraq kül olub.

Hadisə yerində Şəki Dövlət Yanğından Mühafizə Hissəsinin texnikaları və şəxsi heyəti cəlb olunub.

Faktla bağlı araşdırma aparılır.

"Report"