Səkilərdə piyadaların yolunu kəsən “dəmir yığını” - FOTO

Paytaxtın əksər küçələrində səkilər avtomobil, dayanacaq, obyekt və s. tərəfindən zəbt olunmasını tez-tez müşahidə edirik. Piyadaların təhlükəsiz hərəkəti üçün təşkil olunan səkilərdən piyadalardan başqa hamı istifadə edir.

Avtosfer.az xəbər verir ki, eyni vəziyyət "Xalqlar Dostluğu" metrostansiyasının yaxınlığında, Bəhruz Nuriyev küçəsində də mövcuddur.

Belə ki, səkinin kənarında məişət texnikalarının təmiri ilə məşğul olan bir neçə obyekt var. Lakin fotolarda da məişət texnikaları (yəqin ki, təmir olunmaq üçün gətirilib) səkinin üzərinə qoyulduğu əks olunub. Bu “dəmir yığını” nəinki səki, hətta yolun avtomobillərin parklanması üçün nəzərdə tutulan hissəsini də zəbt edir. Nəticədə piyadalar yolun hərəkət hissəsinə keçməyə məcbur olurlar. Bu da onların həyatı üçün təhlükə mənbəyidir. Həmçinin Bakı şəhərində ciddi tıxac problem olduğunu nəzərə alsaq, parklanma üçün nəzərdə tutulmuş hissənin zəbt olunması sıxlığı daha da artırıb, tıxaclara səbəb olacaq.

Ümid edirik ki, problem yaxın zamanda öz həllini tapacaq ki, səki və parkinqi zəbt edən “dəmir yığını” piyada və sürücülər üçün maneə yaratmasın.

Məhəbbət Tərlanoğlu