Sığortası olmayan avtobus sürücüsü qəza törətdi: digər sürücü şikayətçidir

Zamin adlı vətəndaş Avtosfer.az-a müraciət edərək başəna gələn hadisə barədə məlumat verib. Vətəndaş deyir ki, sentyabrın 8-də Hava limanı yolunun keçmiş “Komsomol” dairəsi ərazisində 160 nömrəli müntəzəm marşurut xəttində fəaliyyət göstərən 99-JK-737 dövlət nömrə nişanlı avtobus arxadan vurub.

Vətəndaş idda edir ki, sığorta şirkətinə zəng edərək hadisə yerinə gəlmələrini xahiş edib. Lakin qısa müddətdən sonra şirkətdən bildirilib ki, qarşı tərəfin sığortası yoxdur və ona görə də məsələni fərdi şəkildə həll etsinlər.

Şikayətçi deyir ki, avtobusda kamera olduğu halda məsələ araşdırılmır. Ona dəymiş maddi ziyan da ödənilmir.

Qeyd edək ki, adıçəkilən marşurut xətti “Çinar -Trans MMC”ə məxsusdur.

Xatırladaq ki, əgər idda olunan kimi sürücünün sığortası yoxdursa, o zaman sərnişinlər də sığorta olunmayıb və hər hansı qəzada onlar da eyni hal ilə qarşılaşa bilər. 

Fərid