Siqnal səsini eşidən piyada dayanmaq əvəzinə yola qaçdı - VİDEO

Sumqayıtda qayda pozan piyadalar kameraya düşüb.
Avtosfer.az-ın məlumatına görə, hadisə yanvarın 23-ü günorta saatlarında qeydə alınıb. Videodan göründüyü kimi, piyadalar avtomobillərin intensiv hərəkətdə olduğu yoldan qaçaraq keçiblər. Belə ki, onlar keçiddən istifadə etməyərək həm öz həyatlarını, həm də sürücüləri təhlükə qarşısında qoyublar. Hətta qadın piyada yolu müşahidə etmədən sürücüyə qəza riski də yaradıb. O, yola baxmadan hərəkət edib. Sürücü siqnal verərək xanıma xəbərdarlıq edib. Lakin piyada dayanmaq əvəzinə avtomobilin önünə qaçaraq yolunu tamamlayıb. Həmçinin əks olunan görüntüdə qayda pozan digər bir piyada səkiylə maşın yolunu səhv salıb. Təhlükə saçan şəxs yolun ortasıyla hərəkət edərək sürücülərə çətinlik yaradıb.

Nərmin