Sumqayıtda qəza baş verən ərazidə elektrik enerjisinin təchizatı bərpa edilib - FOTO - YENİLƏNİB

Sumqayıtda qəza baş verdikdən dərhal sonra dairəvi sistem üzrə alternativ xətlə əraziyə elektrik enerjisi ötürülüb.

Bu barədə “Azərişıq” ASC-dən məlumat verilib. Bildirilib ki, Səhmdar Cəmiyyətin təmir-bərpa briqadaları ərazidə qəzanın nəticələrini aradan qaldırmaqla məşğuldur:

“Hazırda həm həmin ərazi, həm də ölkənin digər regionlarının keyfiyyətli və dayanıqlı elektrik enerjisi təchizatı davam etdirilir.

Abonentlərdən xahiş edirik ki, qarşılaşdıqları kəsinti və qəza halları ilə bağlı 24 saat fasiləsiz fəaliyyət göstərən 199 – “Çağrı mərkəzi” ilə əlaqə saxlasınlar”. (oxu.az)

***

Sumqayıtda yeraltı kabelin partlaması nəticəsində şəhərin bir hissəsi işıqsız qalıb.

“Report”un yerli bürosu məlumat verir ki, hadisə şəhərin 13-cü mikrorayonunda, Babək küçəsində qeydə alınıb.

Əraziyə FHN-in və Sumqayıt Şəhər Polis İdarəsinin əməkdaşları cəlb olunublar.

Partlayışın səbəbləri araşdırılır.