Sumqayıtda təcili yardım sürücüsü çətin anlar yaşadı: "Sakinlər yolu kəsib" - VİDEO

Çağırışa gedən Təcili Tibbi Yardım avtomobilinin sürücüsü çətin anlar yaşayıb. Avtosfer.az xəbər verir ki, stansiya Sumqayıt ərazisində baş verən hadisənin videosu sosial şəbəkədə yayılıb. Belə ki, sakinlər tərəfindən küçənin girişinə quraşdırılmış dəmir konstruksiya təcili yardım avtomobilinin girişini məhdudlaşdırıb. Bunu yük avtomobilləri üçün quraşdıran sakinlər xəstənin həyatını təhlükə altında qoyublar.

Qeyd edək ki, bu cür maneələr yanğından mühafizə xidmətinin əməkdaşları üçün də maneə yarada bilər. Bu səbəbdən belə maneələrin ümumi istifadədə olan yollara quraşdırılması qadağandır.

İnzibati Xətalar Məcəlləsinin 354.0.4-cü maddəsində qeyd olunub ki, yolların hərəkət hissəsində sədlərin, şlaqbaumların qurulmasına və nəqliyyat vasitələrinin hərəkətinin başqa üsullarla kəsilməsinə, yaxud avtomobil yollarında nəqliyyat vasitələrinin və piyadaların hərəkətinə maneələr yaradılmasına görə, fiziki şəxslər səksən manatdan yüz manatadək məbləğdə, vəzifəli şəxslər dörd yüz manatdan beş yüz manatadək məbləğdə, hüquqi şəxslər üç min manatdan dörd min manatadək məbləğdə cərimə edilir.

Könül