Sürücü “Neftçilər”də az qala vuracağı piyadaya əsəbiləşdi: “Xəstəsən?” - VİDEO

Paytaxtın “Neftçilər” metrosu yaxınlığında qayda pozan piyada görüntülənib.

Avtosfer.az-ın məlumatına görə, hadisə oktyabrın 15-də, saat 15:57 radələrində “Dakar” dairəsində qeydə alınıb. Yolu müəyyən olunmamış yerdən keçən piyada avtomobillə toqquşmaqdan son anda xilas olub.
Kadrdan görünür ki, gənc oğlan yola baxmadan hərəkət edir və bu vaxt sağdan yaxınlaşan avtomobili son anda görərək geri çəkilir. Təhlükəylə üzləşən sürücü əsəbiləşərək piyadaya iradını bildirir. Həyəcan keçirən gənc isə üzr istəyərək törətdiyi xətanın fərqinə varır.

Qeyd edək ki, hadisə yerinin yaxınlığında piyada keçidi mövcuddur.

Nərmin