Sürücü yolun ortasında dayanan yaşlı piyadaya baxın necə reaksiya verdi - VİDEO

Nərimanov rayonu Fətəli xan Xoyski küçəsində qayda pozan piyada görüntülənib.
Avtosfer.az-ın məlumatına görə, hadisə fevralın 8-i səhər saatlarında qeydə alınıb. Videodan göründüyü kimi, piyada avtomobillərin intensiv hərəkətdə olduğu yoldan keçib. Belə ki, ərazidə yeraltı keçid olsa da, qayda pozan yaşlı kişi həm öz həyatını, həm də sürücüləri təhlükəyə atıb. Yolu yarılayan piyada zolağın ortasında dayandıqdan sonra soldan gələn avtomobili gözləyib. Xoşbəxtlikdən sürücü nəqliyyat vasitəsinin hərəkətini vaxtında saxlayıb. Qəza riskiylə üzləşən sürücü piyadaya əsəbiləşərək xoşagəlməz ifadələr işlədib. Bu zaman avtomobildəki sərnişin piyadanın yaşlı olduğunu ona vurğulayaraq qarğış etməməsini söyləyib. Sürücü isə “Beləsinə nə deyəsən? 60-70 yaşlarında adamdır, danışanda isə cavanları bəyənmir. Yaxınlıqda keçid var, amma etdiyinə bax” deyərək xanım sərnişinə cavab verib.

Nərmin