Tərtərdə dəmir yığan kişi minaya düşüb öldü - YENİLƏNİB

Məlumata görə, Y.Hadıyev bundan əvvəl bir neçə dəfə azad olunmuş ərazilərə icazəsiz daxil olduğuna görə ona rəsmi xəbərdarlıq edilib. O, hətta bu ilin martında Tərtərin Çaylı kəndi ərazisindəki Gendərə deyilən yerdə minaya düşüb, sol ayağı amputasiya olunub.

***

Tərtər sakini dəmir yığanda minaya düşüb. 

Baş Prokurorluğun Mətbuat xidmətindən Avtosfer.az-a bildirilib ki, oktyabrın 6-da saat 17 radələrində Tərtər rayonunun işğaldan azad edilmiş Həsənqaya kəndi ərazisində, 1989-cu il təvəllüdlü mülki şəxs Yaquar Hadıyevin dəmir tullantıları toplayarkən mina partlaması nəticəsində ölməsi faktı üzrə Tərtər rayon prokurorluğunda araşdırma aparılır.

***

Oktyabrın 6-da saat 17 radələrində Tərtər rayonunun Çaylı kəndi ərazisində rayonun Həsənqaya kənd sakini 1989-cu il təvəllüdlü Yaquar Əliheydər oğlu Hadıyev piyada əleyhinə minaya düşməsi nəticəsində həlak olub.

Avtosfer.az xəbər verir ki, bu haqda DİN-in mətbuat xidməti məlumat yayıb.

Faktla bağlı araşdırma aparılır.