Tovuzda yük avtomobili yandı, 1 nəfər xəsarət aldı

Tovuz rayonunun Qovlar şəhərində "ZİL" markalı yük avtomobilinin mühərrik hissəsi və banına yığılan 3 ton ot bağlamasının 1 tonu yanıb.

Fövqəladə Hallar Nazirliyindən Avtosfer.az-a verilən xəbərə görə, yanğın zamanı 1 nəfər yanıq xəsarəti alıb.

Avtomobilin və ot bağlamalarının qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.