Türkiyədə meşə yanır

Türkiyənin Balıkesir vilayətinin Kepsut rayonunda yerləşən meşəlik ərazidə yanğın baş verib.

Avtosfer.az yerli mediaya istinadən xəbər verir ki, yanğının söndürülməsinə 2 xüsusi təyyarə və 7 helikopter, həmçinin çox sayda yanğınsöndürən texnika cəlb edilib. Alovların söndürülməsinə yerli sakinlər də dəstək verirlər.

Bölgədə əsən küləyin təsiri ilə ətrafa yayılan yanğının başvermə səbəbləri məlum deyil.

Hazırda söndürmə işləri havadan və qurudan davam etdirilir.