Xanım təlimçi ilə taksi sürücüsü arasında yolayrıcında dava düşdü - VİDEO

Paytaxtda sürücülər arasında münaqişə baş verib. Avtosfer.az xəbər verir ki, hadisə Xəqani küçəsində qeydə alınıb. Belə ki, təlimçi Arzu Babazadə avtomobili ilə svetoforda qırmızı işıqda dayanıb. Yaşıl işıq yanmasına baxmayaraq öndə tıxac olduğu, irəliləsə yol ayrıcında dayanacağı və ikiqat tıxaca səbəb olacağı üçün hərəkət etməyib. Təlimçinin avtomobilinin arxasında dayanan 99-GO-297 dövlət nömrə nişanlı “Opel” markalı avtomobilin sürücüsü bu hərəkətə görə əsəbləşib. O, təlimçinin üzərinə hücum çəkib.

Baş verənlər videoqeydiyatçı tərəfindən anban qeydə alınıb. Arzu Babazadə bu barədə polisə məlumat verib. Həmin sürücü müəyyən olunaraq Səbail rayon Polis İdarəsinin 39-cu polis şöbəsinə dəvət edilib.

Qeyd edək ki, taksi sürücüsü sükan arxasında mobil telefondan istifadə edərək çəkiliş aparıb.

Faktla bağlı araşdırma aparılır.

Məhəbbət Tərlanoğlu