Xanımla mübahisə edən avtobus sürücüsü: “102-yə vermirsən 1002-yə ver” - VİDEO

Paytaxtın “20 Yanvar” metrostansiyası yaxınlığında sürücülər arasında münaqişə yaranıb. Avtosfer.az-ın məlumatına əsasən, xoşagəlməz hadisə bir neçə gün əvvəl səhər saatlarında qeydə alınıb.

Görüntüdən bəlli olduğu kimi, qadın sürücüylə 165 nömrəli avtobusu idarə edən şəxs arasında mübahisə düşüb. Hadisə şahidlərinin sözlərinə görə, davaya səbəb avtobus sürücüsünün avtomobil idarə edən xanıma yol verməməsi olub.

Nəticədə əsəbiləşən xanım avtobusa yaxınlaşaraq sürücünü mədəniyyətsiz adlandırıb. Yenidən sürücüyə yaxınlaşan qadın onu aidiyyəti quruma şikayət edəcəyini söyləyib. Avtobus sürücüsü isə “102-yə vermirsən 1002-yə ver” deyə bildirib. 

Nərmin