Yola qaçan piyada avtobusun altına yıxılmaqdan son anda qurtuldu - VİDEO

Baş vermiş yol qəzalarının 50 faizindən çoxu piyadavurmaların payına düşür. Təbii ki, belə yol-nəqliyyat hadisələrində sürücüylə yanaşı piyada da öz məsuliyyətini dərk etməlidir.

Lakin qayda pozan piyadalar üçün nə öz həyatları, nə də sürücülərə yaratdığı təhlükə önəm daşımır. Bəzi piyadalar isə nəqliyyat vasitələrinə əhəmiyyət vermədən zebradan keçirlər.

Lakin istənilən halda, yəni nizamlanmış və nizamlanmamış eynisəviyyəli keçidlərdə belə piyada öncə yolu müşahidə etməli daha sonra hərəkətə başlamalıdır.

Qeyd etdiyimiz halla bağlı Xətai rayonu Əhmədli qəsəbəsində qayda pozan piyada görüntülənib.

Avtosfer.az-ın məlumatına görə, hadisə bir neçə gün əvvəl səhər saatlarında qeydə alınıb. Videodan göründüyü kimi, piyada işıqforun qırmızı işığında yolu qaçaraq keçib. Nəticədə o, sürücülərə qəza riski yaradıb.

Xoşbəxtlikdən sürücülər nəqliyyat vasitələrinin hərəkətini yavaşladaraq qayda pozan şəxsin yolu keçməsinə şərait yaradıblar. Həmçinin yolu yarılayan piyada səkiyə çıxarkən yıxılmaqdan son anda xilas olub. 

Nərmin