Yola qaçan qadınlar avtomobilin üzərinə şığıyıb əlləriylə saxlamağa çalışdılar - VİDEO
Qaradağ rayonu Lökbatan dairəsində təhlükə saçan piyadalar qəzanın bir addımlığından dönüblər. Avtosfer.az-ın məlumatına görə, hadisə fevralın 14-ü saat 12:47 radələrində qeydə alınıb. Videodan göründüyü kimi, hərəkətdə olan "KIA" markalı avtomobilin sürücüsü keçiddən keçən piyadaları görərək dayanıb. Onlar keçdikdən sonra isə maşınını sürməyə başlayıb. Bu zaman yola qaçan qadınlar avtomobili dayandırmağa çalışıblar. Hətta xanımlar əllərini nəqliyyat vasitəsinin üzərinə qoyaraq hərəkətinə müdaxilə ediblər. Lakin sürücü dayanmadan ərazidən uzaqlaşıb.
Qeyd edək ki, sosial şəbəkələrdə geniş yayılmış görüntü birmənalı qarşılanmayıb. Ərazidə keçid olmasına baxmayaraq özünü təhlükəyə atan piyadalar insanların qınaq obyektinə çevrilib. Bir qisim isə sürücünün dayanmalı olduğu halda sürməsinin yanlış olduğunu qeyd edib.
Nizamlanmamış keçiddən istifadə zamanı nəqliyyat vasitələri piyadaya yol verməlidir. Lakin piyada avtomobilin dayandığını görəndən sonra hərəkət etməlidir.
Nərmin