Yolda “hoqqa” verən “VAZ” qəza törətdi – ANBAAN VİDEO

Qaydaları kobud şəkildə pozan sürücü qəzaya səbəb olub.

Avtosfer.az xəbər verir ki, bu barədə görüntülər sosial şəbəkələrdə geniş yayılıb.

Belə ki, 99-SF-327 qeydiyyat nişanlı “VAZ” markalı, avtomobilin sürücüsü yolda ardıcıl olaraq təhlükəli manevrlər edib. Görüntüərdə sürücünün yan güzgüləri də bağlayıb, sağ-sol manevrlər etdiyi aydın şəkildə əks olunub. Nəticədə avtomobil yolun kənarındakı ağaclara çırpılıb. Hadisə nəticəsində xəsarət alan olmasa da avtomobilə ziyan dəyib.

Qeyd edək ki, sürücünün hərəkətləri ciddi faciə ilə nəticələnə bilərdi. Ətrafda piyada və ya başqa nəqliyyat vasitəsi olsaydı, faciəvi qəza baş vermə ehtimalı yüksəkdir.

Maraqlısı budur ki, sürücünün təhlükəli manevrləri ətrafdakılarla yanaşı, öz həyatı üçün də risklidir. Bu azmış kimi avtomobildə olan sərnişin olanları anbaan qeydə alıb və paylaşıb.

Məhəbbət Tərlanoğlu