2021-ci ilin ilk kosmik yürüşü

NASA əməkdaşları 2021-ci ilin ilk kosmos yürüşünü həyata keçiriblər.
NASA-dan verilən açıqlamada, kosmonavtlar Mayk Hopkins və Viktor Qloverin orbitdə yerləşən Beynəlxalq Kosmik Stansiyadan çıxaraq yüksək texnologiyalı laboratoriyalardan biri olan Kolumb Laboratoriyasına qədər kosmos yürüşü etdikləri deyilib.
Belə ki, 6 saat 56 dəqiqə davam edən kosmos yürüşü zamanı kosmonavtlar stansiyadakı uzunmüddətli batareyaların yenilənməsi prosesi həyata keçirib. Bundan başqa, kosmonavt Keyti Rubinsin köməyi ilə Avropa Kosmik Agentliyi tərəfindən istehsal olunan Bartolomeo platformasının quraşdırılmasını başa çatdırılması təmin edilib.

Bartolomeo platformasının, müstəqil yüksək bant genişliyi olan rabitə sistemi sayəsində Avropa quru bazalarına qoşula biləcəyi qeyd edilib. 
İlk kosmos yürüşünü həyata keçirən kosmonavtlardan biri olan Qlover, NASA mərkəzi ilə qurduğu rabitə zamanı yaşadığı anları "bu çox gözəl mənzərədir" şəklində dilə gətirib.