40 il məhkəməsini gözləyən dustaq həbsxanada öldü

81 yaşlı Yamayka sakini 1980-ci ildə həbs edilsə də, 40 il boyunca məhkəməsini gözləyib və elə həbsxanada ölüb.

“Loop News Jamaica” xəbər verir ki, Noel Çembers hələ 2020-ci ilin əvvəllərində həyatını itirib, lakin jurnalistlər bundan indi xəbər tutublar.

Rəsmi orqanlar yamaykalı məhbusun böyrək infeksiyasından öldüyünü bildiriblər. Hüquq müdafiəçiləri ekspertizanın aparılmasını və məhkəməsini gözləyən şəxsin hansı səbəbdən öldüyünün dəqiqləşdirilməsini tələb ediblər.