6 nəfərlik nəqliyyat vasitəsindən 35 nəfər çıxıb - VİDEO

Çində yol polisləri hərəkətdə olan avtomobillərdən birini saxlayıb yoxlama aparmağa qərar veriblər. Avtosfer.az atv.az-a istinadən xəbər verir ki, həmin polislər maşından yüzlərlə kiloqram narkotik çıxa biləcəyini ağıllarına gətirmişdilər, amma 6 nəfərlik nəqliyyat vasitəsindən sürücü ilə birgə 35 nəfər çıxıb.

Ölkədə böyük səs-küy yaradan olay, Çinin Sitzuan vilayətində baş verib.  Yoxlama aparmaq üçün avtomobili saxlamağa qərar verən polislər, pəncərədən içəri baxanda gözlərinə inanmayıblar. Maşının içinin adamla dolu olduğunu görən polislər, sərnişinlərdən dərhal aşağı enməyi tələb edib. Asayiş keşikçiləri maşından uzağı 7 adamın düşəcəyini gözləsələr də, qapıdan çıxan sərnişinlərin ardı-arası kəsilməyib. Avtomobilin ətrafında bir anda insan izdihamı  yaranıb. Məlum olub ki,  avtomobildəki insan kütləsi inşaat firmalarının birində çalışan işçi ordusudur. Rəhbərlik, fəhlələri evlərinə daşıyarkən çox xərcə düşməmək üçün onların hamısını bir maşına doldurmaq qərarına gəlib.