9 yaşlı uşaq avtomobil yarışına çıxdı – VİDEO

9 yaşlı uşaq sürət yarışında iştirak etdi. Böyük Britaniyanın Raşdin bölgəsində yaşayan Tomas Bredli yaşının az olmasına baxmayaraq özündən azı 10 yaş böyük olan sürücüləri məğlub edib. Avtosfer.az atv.az-a istinadən xəbər verir ki, Tomas Bredli  yarış avtomobili idarə etməyi hələ 7 yaşında öyrənib.  Bir vaxtlar əyləncə mərkəzlərindəki qou-kart maşınları ilə məşq edən uşaq çox keçmədən öz bacarığı sayəsində yarış platformalarına da çıxa bilib. Ölkədə keçirilən sürət yarışlarının təşkilatçıları  Bredlinin də müsabiqədə iştirak edəcəyinə qərar verib. Azyaşlı sürücü Buqatti Veyron avtomobili ilə bir çox rəqibini də geridə qoyub və  6-cı yeri tutub.

Bredlini indidən gələcəyin Şumaxeri kimi görənlər də az deyil. Hətta bir sıra şirkətlər indidən onunla sponsor müqaviləsi imzalamağa çalışır.