Al Kaponenin zirehli “Cadillac”ı satışa çıxarıldı - FOTO

Amerikada 1928-ci ilin unikal “Cadillac Town Sedan” avtomobili hərraca çıxarılıb. Avtomobil vaxtı ilə məhşur amerikalı mafioz Al Kaponeyə məxsus olub. O, 1920-1930-cu illərdə bu maşından istifadə edib.

Avtosfer.az xəbər verir ki, “Cadillac Town Sedan” Al Kaponenin sifarişi ilə tam olaraq zirehli edilib. Avtomobildə qalın gülləkeçirtməz şüşələr və atəş boşluğu üçün pəncərə nəzərdə tutulub. “Cadillac”ın bütov dəmir detalları əlavə polad materialla işlənilib.

Qeyd edək ki, avtomobilin 90 ildən çox yaşı olmağına baxmayaraq yürüşü cəmi 1,787 kilometr təşkil edir. Əfsanəvi “Cadillac Town Sedan”ı əldə etmək üçün 1 milyon dollar ödəməli olacaqsınız.

Nazim Nadiroğlu