Arxeoloqlar 1700 yaşlı stolüstü oyun tapıb

Norveçin Bergen universitetinin arxeoloqları 1 700 yaşı olan stolüstü oyun aşkar edib. Tapıntı ölkənin qərbində İtre-Fosse kurqanında üzə çıxarılıb. Arxeoloqlar təxminən 18 oyun daşı və zərlər aşkar edib.

Qeyd olunur ki, oyunun tapıldığı yerdə ölənləri dəmir dövründə dəfn etməyə başlayıblar.

Hələlik tapılan oyunun hansı oyun olduğu məlum deyil. Arxeoloqlar ehtimal edir ki, bu, şahmat və ya dama oyununu xatırladan, vikinqlər arasında populyar olan hnefatafl oyununun daha qədim versiyası ola bilər. (Trend)