Astronomdan açıqlama: "Bu, kifayət qədər qəribə kəşfdir..." - FOTO

Süd Yolu qalaktikasının ən böyük peyklərindən biri olan Kiçik Magellan Buludu (NGC 292) Böyük Magellan Buludu ilə toqquşub. Avtosfer.az "ölkə.az"-a istinadən bildirir ki, toqquşma nəticəsində NGC 292 parçalara bölünüb. Bu barədə "Astrophysical Journal Letters" jurnalında məqalə dərc edilib. "Bu, kifayət qədər qəribə kəşfdir. Biz Böyük Magellan Buludunun nəhəng hisssəsini kəşf etdik. Bu hissə qalaktikadan ayrılıb və Böyük Magellan Buluduna tərəf hərəkət edir", - deyə Salli Oyi bildirib. Süd Yolu qalaktikası onlarla cırtdan qalaktikalarla birlikdə kosmosda dövr edir. Bu qalaktikaların ən böyükləri Kiçik Magellan Buludu və Böyük Magellan Buludu adlı qalaktikalardır. Onların diametri 13-14 min işıq ilidir. Qalaktikalar qeyri-adi formaları ilə astronomların diqqətini çoxdan cəlb edib. Bu qalaktikalar keçmişdə də toqquşublar.