Aviaşirkətindən qəribə tələb: ekipaj üzvləri arıqlamalıdırlar

“Pakistan İnternational Airlines” aviaşirkətinin ekipaj üzvləri iş yerlərini itirməmək üçün arıqlamalıdırlar. Avtosfer.az Azərtac-a istinadən xəbər verir ki, yanvarın 31-dən sonra ekipajın hər hansı bir üzvünün çəkisi tələb ediləndən 30 funt (təxminən 15 kiloqram) artıq gələrsə, o, arıqlamaq üçün “Aircrew” tibb mərkəzinə göndəriləcək. Müalicə tələb olunan standart çəkiyə çatanadək davam edəcək. Bundan sonra şirkətin bütün ekipaj üzvləri hər ay öz çəkiləri barədə məlumat verəcək, çəkisi normal olanlar uçuşa icazə alacaqlar.