Avtomobil oğruları elə qaçdı ki... – VİDEO

Avtomobil oğruları polislərə çətin anlar yaşatdı. Hollivud filmlərini xatırladan bu görüntülər Avstraliyanın Yeni Cənubi Uels ştatında lentə alınıb.  Vətəndaşlardan birinə məxsus avtomobili oğurlayaraq aradan çıxmağa çalışan 2 şübhəli,  bunun üçün dəridən qabıqdan çıxsalar da, sonda  polislərə  boyun əyməli olub. Avtosfer.az atvxəbər-ə istinadən xəbər verir ki, avtomobillə dolu küçələrdə saatda 170 km sürətlə hərəkət edən oğrular onları izləyən polislərin diqqətini yayındıra bilib. Bununla belə, baş verənləri yuxarıdan izləyən polis helikopteri cinayətkarların gözdən itməsinə imkan verməyib.  Yüksək sürətlə polisdən qaçmağa çalışan oğrular dramatik qaçdı-qovduya səbəb olub, 1 saata yaxın davam edən qarşıdurmada oğrular nə az, nə çox 150 km qaça bilib. Yeni Cənubi Uels ştatının ərazisini də tərk edən şəxsləri öncədən verilən xəbərdarlıq əsasında qurulan polis barikadası sayəsində yaxalamaq mümkün olub. Şübhəlilər tapança ilə asayiş keşikçilərini özlərindən uzaq tutmağa çalışsalar da, çox keçmədən onların güllələri də qurtarıb. Yeri gəlmişkən, bu saatlarda şübhəlilər hakim qarşısına çıxarılacaq. Onların azadlıqdan məhrum ediləcəyi gözlənilir.