Avtosfer.az | Reklam
Azərbaycanda sürücüsüz idarə edilə bilən mikroavtobus hazırlanıb - VİDEO
Maraqlı 5 Dekabr 2019 21:00 Oxunub 499
Azərbaycanda sürücüsüz idarə edilə bilən mikroavtobus hazırlanıb  - VİDEO
"Bakutel 2019" Telekommunikasiya, İnnovasiya və Yüksək Texnologiyalar sərgisində nümayiş etdirilir

Bakıda keçirilən sərgidə maraqlı nəqliyyat vasitəsi nümayiş edilib.

Mikroavtobus həm sürücü ilə, həm də sürücüsüz idarə edilə bilir.

Yerli istehsal olan bu universal nəqliyyat vasitəsi "Bakutel 2019" Telekommunikasiya, İnnovasiya və Yüksək Texnologiyalar sərgisində nümayiş etdirilir.

"VİP taksi" adlandırılan mikroavtobus süni zəka, robot və nəqliyyat vasitəsinin imkanlarını özündə birləşdirir. Nəqliyyat vasitəsi müasir radar, lidar və digər sistemlərlə təchiz edilib. Bunların sayəsində də avtopilot rejimində sürücüsüz hərəkət edə bilir.

Nəqliyyat vasitəsi sürücüsüz hərəkət zamanı yol nişanlarının tələblərinə də əməl edir.

Bu nəqliyyat vasitəsinin daha bir üstünlüyü isə avtomobil yolu ilə yanaşı, dəmir yolunda da hərəkət edə bilməsidir. Dəmir yolunda da avtopilot rejimindən istifadə etmək mümkündür.

Mikroavtobusun bəzi ehtiyat hissələri Avropa və Şərqi Asiya ölkələrindən gətirilib. Nəqliyyat vasitəsinin sınaqları uğurlu olub və yaxın vaxtlarda bazara çıxarılacağı gözlənilir.

Xezerxeber.az-ın  mövzu ilə bağlı hazırladığı daha ətraflı videomaterialı təqdim edirik:

ŞƏRH YAZ
Ad

E-mail

Şərh