Baş nazir taksi sürücüləri ilə çığırtma yedi - VİDEO

Ötən gün helikopterlə İstanbuldan Edirnə şəhərinə getməyə hazırlaşan Türkiyənin baş naziri Əhməd Davudoğlu “Atatürk” hava limanının taksi dayanacağında olub. Avtosfer.az-ın anspress-ə istinadən məlumatına görə, baş nazir dayanacaqda sürücülərlə çay içib və pomidor çığırtması yeyib. Taksi dayanacağında sürücülərlə söhbət edən Davudoğlu, çayı özünüzmü dəmləyirsiniz, çığırtma da varmı? – deyə zarafatyana soruşub. Sürücülər isə birağızdan var deyərək baş nazirdən bir az gözləməsini xahiş ediblər. Taksi dayanacağının əməkdaşları Davudoğlunu çay, pomidor çığırtması, türk paxlavası və türk börəyinə qonaq ediblər. Pomidor çığırtmasını əli ilə yeyən baş nazir sürücülərin problemlərini də dinləyib onlara yardım vəd edib. 

Daha sonrasürücülərlə xatirə şəkli çəkdirən Əhməd Davudoğlu taksi dayanacağından ayrılıb.