Belə də inadkarlıq olar? – VİDEO

Keniyada  yaşlı bir qadının inadkarlığı ortaya qəribə mənzərə çıxarıb. Avtosfer.az atvxəbər-ə istinadən məlumat verir ki, şəhər bələdiyyəsi,  iqtisadiyyatı o qədər də güclü olmayan  ölkədə pul toplayıb, səliqəli  yol çəkmək qərarına gəlib. Yolun demək olar ki, böyük hissəsi çəkilib. Yekunlaşdırmağa yaxınlaşanda işçilər bir mənzilin yolun ortasında qalacağını anlayıb. İndi əlaqədar qurumlar nə qədər çalışsa da,  ev yiyəsi ona təklif olunan pulun müqabilində evinin sökülməsinə icazə vermir. Nəticədə magistral yol, onun çəpərinin altından keçir. Əslində yol istismar idarəsinin işçiləri  yeni asphalt örtüyün çəkilməsinə ötən ildən başlayıb. Heç bir problem olmadan səliqəli şəkildə yolu çəkən işçilər , yolun düz ortasında bir evin qaldığını görəndə işi dayandırıb. Bələdiyyə idarəsi hər nə qədər evin sahibəsinə xahiş etsə də, hətta evin müqabilində pul vəd etsə də, keniyalı ev sahibi inadından əl çəkməyib. İndi rəsmi qurumlar şəhərdə nəqliyyatın hərəkətini asanlaşdıracağı gözlənilən avtomobil yolunun nə vaxt təhvil veriləcəyini də bilmir. İrəli sürülən bütün təkliflərə rədd cavabı verən ev sahibi, mənzilin sökülməsi müqabilində elə məbləğ tələb edir ki, az qala yolu başqa yerdən çəkmək ondan daha sərfəli olur. İkinci dəfə xərcə düşmək istəməyən bələdiyyə iradəsi isə bu qadının daşı ətəyindən nə vaxt tökəcəyini gözləyir. Sürücülər  isə ev sahibi ilə rəsmi qurumlar arasındakı bu anlaşmazlıqdan heç də məmnun deyil.