"Bu cür təklif mənə gələndə təəcübləndim" - "Bakı Gözəli-2016"-nın qalibi Sevinc Məmmədova - FOTOLAR

“Bakı Gözəli-2016”-nın qalibi Sevinc Məmmədovanın Azmedia.Az-a müsahibəsi

- Model sahəsində öz fəallığı ilə seçilən Sevinc Məmmədova niyə üç ilə yaxın gözlərdən uzaq oldu? 

Özünüz də bildirdiyiniz kimi mən öncəki illərdə çox aktiv olmuşam, ancaq doğrudur ki, son üç ildə mən tamamilə bu sahədən uzaqlaşdım. Səbəb isə həm şəxsi həyatımla bağlı idi, həm də mən iş xanımı olaraq fəaliyyət göstərirdim. Yenə də öz biznes fəaliyyətimi davam etdirəcəm. Modellik məndə hər zaman əlavə hobbi kimi olub və yarışmada qalib olduqdan sonra düşündüm ki, bir az modelliyə ara verim, ancaq görünür çox ara vermişəm ki, darıxmısınız mənim üçün. (gülür) Ona görə də yenidən model olaraq fəaliyyət göstərəcəm. 

- Model olaraq davam edecəksiniz  yoxsa yenidən biznes  ledi olaraq işlərinizə davam edəcəksiniz? 

Xeyir mən biznes sahəmi kənara qoymamışam, davam etdirirəm, ancaq modelliyi də davam etdirməyi düşünürəm. Onu deyim ki, mən bu yaxınlarda türkiyədən bir neçə təklif də aldım. Həm film üçün , həmdə orada reklam çəkilişləri üçün məni Türkiyəyə dəvət etdilər ki, onlarla müqavilə bağlayaraq əməkdaşlıq edim. Düzün deyim ki, bu təklif mənə gələndə təəccübləndim. Sonra müqavilə şərtlərini mənə göndərdilər və hazırda mənim Bakıda əməkdaşlıq etdiyim şirkət və menecerim bu şərtləri incələyir, yaxın günlərdə biz də onlara öz şərtlərimizi və təkliflərimizi bildirəcəyik. Şərtlər hər iki tərəfi qane etsə onda müqavilə bağlanacaq. 

- Qeyd etdiniz  ki, əməkdaşlıq etdiyiniz  şirkət var. Yəni sizin çəkilişlər ilə bağlı işlərinizi  həmin şirkət görür?

Bəli əməkdaşlıq etdiyim şirkət var və mən həmin şirkət ilə müqavilə bağlamışam artıq, mənə işlərimi aparmağa menecer də ayırıblar, belə daha rahatdır. Çünki dünyanın hər yerində belədir, yalnız bizdə bütün işlərimizə özümüz qaçmağa üstünlük veririk,bu əksər hallarda yaxşı  nəticə də vermir.

- Hal - hazırda aktiv olduğun hiss olunur. Nə işlər görürsən?

Bir neçə gözəllik yarışmalarına münsif olaraq dəvət olunuram, uyğun bildiyim həmin tədbirlərdə iştirak edirəm, fotosessiyalar elətdirirəm, idmanla məşğulam, fikirimcə model öz bədən ölçülərini qorumalıdır, aktrisalıqla bağlı kurslara getməyi düşünürəm, çünki aktrisa olmaq qərarını vermişəm. Əsas da qeyd etdiyim kimi, Türkiyədən gələn təklifləri incələyirik . Yaxın günlərdə möhtəşəm bir xəbər ilə hər kəsi təəccübləndirəcəm.