Bu şəhər işıqforsuz oldu – VİDEO

Əgər kiş adasında maşın sürmək istəsəniz işıqforda gözləməli olmayacaqsanız. Səbəb isə çox sadədir. Adada işıqfor yoxdu. Bundan başqa adanın mərkəzində sürət 50-60, kənarlarda isə 80 müəyyən edilib. Adanın digər maraqlı bir cəhəti ondan ibarətdir ki, maşın çirkli olarsa  və ya digər bir sürücüyə siqnal verərsə bu zaman sürücü cərimə olunacaq.

Adada demək olar ki, gündüzlər avtomobilə çox az rast gəlinir. Hava isti olduğundan Kiş adasının sakinləri və qonaqlar şəxsi avtomobillərindən əsasən axşam saatlarında istifadə edirlər.

Kiş adasında avtomobillərin qiymətləri çox ucuzdu. İranın digər bölgələrində rast gəlinməyən xarici marka avtomobillərinə adada rast gəlmək mümkündür. Amma ən maraqlı cəhət ondan ibarətdir ki, buradan alınan avtomobilləri nəinki İrana, dünyanın heç bir ölkəsinə aparmaq mümkün deyil. Adada digər bir maraqlı cəhət ondan ibarətdir ki, yeni alınan avtomobilləri 10 il ərzində sürmək mümkündür. 10 ildən sonra həmin avtomobili sürmək qadağandır və avtomobil utilizasiya verilir.

Bir sözlə, adada avtomobil sürmək bir növ əyləncədir. İranın digər şəhər və bölgələrindən insanlar bura ən son model və bahalı avtomobilləri kirayə etmək sürmək üçün gəlirlər. Avtomobillərin kirayə qiyməti isə 35 dollardan 1000 dollara qədər - maşının markasına görə - dəyişir.