Çinin kosmik gəmisi Ayın görünməyən səthinə enib - FOTO

Çinin kosmik gəmisi ilk dəfə aya enib. Avtosfer.az milli.az-a istinadən xəbər verir ki, Chang'e-4 adlı kosmik gəmi ilk dəfə ayın qaranlıq səthinə düşüb. Bu barədə məlumat Çinin dövlət televiziyasından verilib. Çinin ay tədqiqatçısı olan bu gəmi dekabrın 8-i Çinin Sıçuan vilayətindəki "Xichang Satellite Launch Center"dən havaya buraxılıb. Gəmi dekabrın 12-də orbitə daxil olub. Ayın səthinə enən gəmi hələ yerə qayıtmayıb. Əgər əməliyyat uğurlu nəticələnsə, çinli tədqiqatçılar Ayla bağlı informasiyaları daha da genişləndirib, bütün dünyaya ötürəcəklər.

Qeyd edək ki, Ayın yerdən görünməyən qaranlıq tərəfinin fotosu ilk dəfə 1959-cu ildə SSRİ-nin "Luna-3" kosmik gəmisi tərəfindən çəkilib. O vaxtdan bəri həmin səthə çatan olmamışdı.